انا ماشى

موضوع: انا ماشى الثلاثاء مايو 17, 2011 1:05 pm

كلمه واحده جاى اقولها قبل ما ابعد بعيد
الحقيقه مش هاقولك غير اكيد..طبعا سعيد
انى اتعرفت بيكى انى شوفت ف يوم عنيكى
ماشى..هابعد..بس ليكى
جوه قلبى كلمتين
اول حاجه ف قلبى شايلها
وحلفت انى ماعمرى هاقولها
انى بجد حياتى بطولها
ماعرفتش غير بس اتنين
امى اللى يارب ارحمها
خليها تسكن جناتك
امى اللى سمعت كلامها
وعرفت انا ايه قدراتك..
تانى انسانه اعرفها دى انتى
مش عارف ازاى غيرتى
جوايا احلام ومعانى
انا اسف لو واخد وقتك
سامحينى..انا قلبى ف عرضك
انا ماشى ومش راجع تانى...